News

प्रहरीले लकडाउन उल्लंघन गर्दै खुलेका पसल बन्द गराउन खोजेपछि न्युरोड क्षेत्रमा झडप

काठमाडौं- मंगलबार बिहान काठमाडौंको न्यूरोडमा प्रहरी र स्थानीय व्यापारीबीच झडप भएको छ । लकडाउनको समयमा खोलिएका पसल प्रहरीले बन्द गराउन खोजेपछि झडप भएको हो । व्यापारीहरु प्रतिकारमा उत्रिएपछि सो क्षेत्रमा अहिले ठूलो संख्यामा प्रहरी परिचालन गरिएको छ ।

नेपाल राष्ट्रिय व्यवसायी महासंघका महासचिव टेकबहादुर शाक्यले प्रहरीले पसल बन्द गर्न दवाव दिएपछि तनाव भएको बताए । स्थानीयका अनुसार प्रहरीले पसल बन्द गर्न दिएको निर्देशन व्यापारीहरुले नमानेपछि झडप भएको हो ।

तनावपछि न्युरोड गेट, रन्जना गल्ली आसपासमा ठूलो संख्यामा सुरक्षाकर्मी परिचालन गरिएको छ । व्यापारीहरुले लामो लकडाउनले समस्यामा परेको भन्दै लकडाउन उल्लंघन गरेर केही दिनयता पसल खोल्दै आएका छन् ।

Related Articles

Back to top button
Close