News

कार र मोटरसाइकल ठोक्किँदा प्रहरी जवान र उनको बुबाको निधन

बुटवल । पूर्व–पश्चिम राजमार्ग अन्तर्गत सैनामैना नगरपालिको रामापुर कलौनिमा मोटरसाइकल दुर्घटना हुँदा बावुछोराको मृत्यु भएको छ । बुटवलबाट पश्चिम आउँदै गरेको लु ५२ प ६२२९ नम्बरको मोटरसाइकल र विपरित दिशाबाट आउँदै गरेको लु २ च ८५२९ नम्बरको कार एकआपसमा ठक्कर खाँदा २ जनाको मृत्यु भएको इलाका प्रहरी कार्यालल बुटवलले जनाएको छ ।

मृत्यु हुनेमा सैनामैना नगरपालिका– १ का ५० वर्षीय टेकबहादुर परियार र उनका ३० वर्षीय छोरा सन्तोष परियारको उपचारको क्रममा लुम्बिनी प्रादेशिक अस्पतालमा मृत्यु भएको इलाका प्रहरी कार्यालय बुटवलका प्रमुख प्रतितसिंह राठैरले बताए ।

सन्तोष प्रहरी जवान हुन् । ईलाका प्रहरी कार्यालय पकडी कपिलवस्तुमा दरवन्दी रहेका उनी हाल जिल्ला प्रहरी कार्यालय कपिलवस्तुमा कार्यरत रहेका थिए । प्रहरीले ठक्कर दिने कार र चालकलाई नियन्त्रणमा लिएको छ ।

Related Articles

Back to top button
Close